சீதா – மிதிலையின் வீராங்கனை

SITA – Warrior of Mithila

எழுத்தாளர் அமிஷ் திரிபாதி எழுதிவரும் ராமச்சந்திரா நெடுங்கதைத் தொகுதியில் இரண்டாவது நூலான “சீதா : மிதிலையின் வீராங்கனை” (SITA: Warrior of Mithila)  மே 2017இல் வெளியானது. இத்தொகுதியின் முதல் நூலான “இக்ஷவாகு குலத்தோன்றல்” (Scion of Ikshvaku) ஜுன் 2015இல் வெளியானது.

The worst enemy a man can ever have is the one who was once his best friend. 

இந்நூலாசிரியர் இந்தியப் புராணங்களையும் கடவுளரையும் ஆயிரமாயிரம் நூற்றாண்டுகளாக நாம் வைத்திருக்கும் பிம்பத்தை மாற்றிக் காட்டியுள்ளார்.

அவர்களும் நம்மைப்போன்ற மனிதர்களாக வாழ்ந்து, தங்கள் நற்பண்புகளாலும், செயல்களாலும் கடவுளர் ஆயினர் என்று தன் கதைகளில் படைக்கிறார். அதை முற்றிலும் ஏற்றுக்கொள்ளும் விதத்தில் அவர் அமைத்துள்ள விதம் நூலின் தனிச்சிறப்பாகும். ராமாயணத்தின் மாறுபட்ட வடிவமான இந்த ராமச்சந்திரா நூல் தொடருக்கு முன்னர் இவர் “சிவா : மூன்று நெடுங்கதைத் தொகுதி” (Shiva Trilogy) என்று சிவபெருமானைப் பற்றிய கதையை எழுதியுள்ளார்.

Don’t be afraid of the dark, my child. Light has a source. It can be snuffed out. But darkness has no source. It just exists. This darkness is a path to That, which has no source.

பகுதிகளாக வெளியாகும் இதுபோன்ற நூல்களை வாசிக்கின்ற வாசகர்களின்  எதிர்பார்ப்புகளும் காத்திருப்புகளும் சொல்லில் அடங்காதவை. அப்படி நான் ராமசந்திரா கதையின் முதல் பகுதியான “இக்ஷவாகு குலத்தோன்றல்” படித்து முடித்த மறுநாள் முதல் அதன் அடுத்த பகுதிக்கான காத்திருப்பு தொடர்ந்தது.

ராமாயணம், மகாபாரதம் என்ற கதைகளுடனேயே நம் நாட்டில் குழந்தைக் காலம் தொட்டு வளர்ந்து வருவோரில் ஒருவனான நானும் ராமரையும், சீதையையும், ராவணனையும், அனுமனையும் என் மனப்பிம்பங்களாக வரைந்துவைத்துள்ளேன். ஆசிரியரின் கதாபாத்திர வடிவங்களுக்கும், நான் இந்நூலைப் படித்ததற்குமிடையே மலைக்கும் மடுவுக்குமான வித்தியாசத்தை உணர முடிந்தது. அதற்குக் காரணம் வித்தியாசமாக கதைப்பாணியே. அது என்னை வெகுவாகக் கவர்ந்தது. முதல் நூலில் ராமரின் குழந்தைப் பருவம் முதல் திருமணம் வரை ராமரின் பார்வையில் சொல்லப்பட்டிருந்தது. அவ்வாறே, இந்த இரண்டாம் நூலில் சீதையின் குழந்தைப் பருவத்திலிருந்து திருமணம் வரை சீதையின் பார்வையில் சொல்லப்பட்டிருக்கிறது.

You must use your heart to decide the destination, but use your head to  plot the journey.

வறட்சியிலிருந்து தன் நாட்டைக் காப்பதற்காக மிதிலையின் அரசர் ஜனகன் தன் மனைவி, படைகளுடன் தெற்கு நோக்கி வருகிறார்.   கன்னியாகுமரியில் தரிசித்து விட்டுத்  திரும்பும் வழியில், அவர் மனைவி சுனைனா, ஒரு குழந்தையை நிலத்தில் உள்ள ஒரு பள்ளத்திலிருந்து கண்டெடுக்கிறாள். அந்த குழந்தையை தன் மகளாகவே வளர்த்துவருகின்றனர் இருவரும். வளர்ந்த அக்குழந்தை கல்வி, போர்க்கலை, தற்காப்புக்கலை என அனைத்திலும் நன்கு தேர்ந்து மிதிலையில் பிரதம மந்திரியாக பொறுப்பையேற்று அதனைச் சிறப்பாக நிர்வகித்து வருகிறாள்.

When the axe entered the forest, the trees said to each other: do not worry, the handle in that axe is one of us.

இவ்வேளையில், இந்திய துணைக்கண்டத்தில் இலங்கை அரசன் இராவணனின் பொருளாதாரத் தடைகளால் பெரும் துன்பம் ஏற்படுகிறது. இதே காலகட்டத்தில் உலகில் அடுத்த விஷ்ணுவைத் தேர்ந்தெடுக்கும் பணியை மலாயபுத்திரர்கள் என்ற வம்சத்தை சேர்ந்தவரும் அவரின் குருவுமான மகரிஷி வசிஷ்டர் தொடங்குகிறார். அவர் தேர்ந்தெடுக்கும் விஷ்ணு இராமர் அல்ல, சீதை. இதற்காக சீதைக்குப் பல பிரவுகளில் பயிற்சி அளிக்கப்படுகிறது. இதற்கிடையே வாயுபுத்திர வம்சத்தின் ஆதரவை பெற்ற வசிஷ்டரும் ஒரு விஷ்ணுவாக ராமரை தேர்ந்தெடுக்கிறார். வசிஷ்டருக்கும் விஷ்வாமித்திரருக்குமான பழைய பகையால் இருவரும் தாங்கள் தேர்ந்தெடுத்த விஷ்ணுவை முன்னிறுத்த முயற்சிக்கின்றனர்.

Birth is completely unimportant. It is just a means of entry into this world of action, into this karmabhoomi. Karma is all that matters.

ஆனால், இரண்டு விஷ்ணுக்களும் ஒற்றுமையாகப் பணியாற்றினால் நாட்டின் நலன் பெருகும் என்ற எண்ணத்தோடு தன் சுயம்வரத்திற்கு மிதிலை அரசர் ஜனகன் மூலமாக ஏற்பாடு செய்கிறாள் சீதை.  இதில் அழையா விருந்தாளியாக வந்து கலந்துகொள்கிறான் இராவணன். வந்தபோது தனக்கு ஏற்பட்ட அவமானத்தின் காரணமாக அவன் மிதிலை மீது போர் தொடுக்கிறான். தன் மனைவியாகப்போகும் சீதையின் நாடான மிதிலையைப் காப்பாற்ற தெய்வி அஸ்திரமான அசுராஸ்திரத்தை ராமர் பயன்படுத்துகிறார். இதனால் அவரே 14 ஆண்டுகள் வனவாசம் மேற்கொள்ளும் சூழல் உருவாகிறது. இதே நேரத்தில் தான் கையேயி தசரதரிடம் வரம் வேண்டி பரதனை அரசனாக்க முயல்கிறாள். அதன் பின்னர் ராமரும் சீதையும் லட்சுமணனுடன் வனவாசம் செல்கின்றனர். வனவாசத்தின் 13ஆம் ஆண்டில் சூர்ப்பநகையால் தொல்லை ஏற்படுகிறது. அதைத்தொடர்ந்து சீதை கடத்தப்படுவதுடனும் இந்தக் கதை முடிவடைகிறது. புராணத்தில் வரும் அனைத்து கதாபாத்திரங்களும், புதிய பரிணாமத்தோடு வடிவமைத்திருப்பது இந்த கதையின் தனிச்சிறப்பாகும்.

 

sita

ஆசிரியர் : அமிஷ் திரிபாதி
பக்கங்கள் : 361
பதிப்பகம்  : Westland Publications
ஆண்டு: முதல் பதிப்பு / 2017